Fasnacht 2019

An dr Sujetsitzig im Herbscht hän mir uns mit Aadie fiir e Sujet entschiede, wo sich von Abschied vo u.a. zwai Bundesreet, Ladeschliessige in dr Inestadt und dr letscht MUBA befasst, entschiede. S’offizielle Sujet vom Comité het sich den au um d’MUBA drüllt und het bis zletscht

Unseri Gedanke zu unserem Sujet sin im Detail folgendi gsi:

  • Aadie Wessels (wenn trittsch ändlig zrugg?)
  • Aadie Auti (wäg däne Linke muess ich mir jetz e Velo kaufe)
  • Aadie Kamm (mir Mässe uns jetz nümme mit dir)
  • Aadie Maistertitel (mir göhn jetz uff Bärn)
  • Aadie Wicky (jetz kasch mit em Sepp go wandere im Wallis
  • Aadie Obama (schön isches gsi ohni Fake news)
  • Aadie Somm (in dr BaZ hets kai Platz)
  • Aadie alti St. Jakobshalle (nur dr neu Name fählt no)
  • Aadie Negro Rhygass (nei, behaltet eure Name. Eso e Tamdam wäge nüt)
  • Aadie Babies im Grosse Rot (das isch au kai Kindergarte, gäll Lea)
  • Aadie Jüngling Thomy (und willkomme bi de Grufties)
  • Gopferdeckel Minu (dä Schuss isch hinte uuse)
  • Juhui Fasnacht 2020 (am 2. März 2020 isches wieder so wit)

Nach emene Wagebau im T-Shirt im Februar ischs s’Wätter den zur Fasnacht leider schlächter gworde. Räge, Sturm, jä sogar es bitzeli Schnee und aber au Sunne hän mir ka. Trotz dem durchzogene Wätter sin viil Lyt an d’Fasnacht cho. Für uns isches uff dr Route fascht es bitzeli zschnäll gange und wir hän uns miese beeile, alles Material ussezwärfe.

Das Joor het übrigens s’erscht mol e Junge vo dr näggschte Generation Aktiv uff em Waage mitgmacht. Am Mäntig z Oobe hän mir wieder unser Partyzält in dr Stadt uffgstellt. E Partyservice het für uns grilliert und hät uns so guet verköschtigt.

Scheen isch es gsi. Aadie Fasnacht 2019!

(D Foti sinn vom https://www.danielhenziphotography.com/)

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s