E Fasnacht ohne Waggis Wage

Das schloot uns gheerig uff e Mage

Das Joor muess es andersch go

Und dr Wage, da blyybt stoo

An Aafang het’s uns grausam bissse

Voll frustriert, total aagschnägglet,

doch d Pandemie, die het uns glehrt

ass me uff stoot und sich wehrt

Ass dr Cotrège nit darf syy

Heist nit: jetzt isch’s vrby

Pessimissmus wär ganz schlächt

Stroosefasnacht: jetzt erscht rächt

Es soll wie immer syy, nur fyyner

Au miteme Wage, numme chlyner

Statt fahre dien mir halt marschiere

Und uff Augehöchi intrigiere

Mit Räpppli Miggeli beglücke

Däfeli und Plüschtier schigge

Fyr a Plausch und guet’s Benäh

Ka’s au emol e Schöttli ghä.

Noch drey Joor fansnachtfreier Zyt

Isch es gottseidank sowyt

Mir dörfe wieder zämme stoo

Au e bitzeli d Sau abloo

Alles derffe und nit miesse

Aifach numme d Fasnacht gniesse

Glaubet dra und sinn drby

Denn au mir stön sicher yy

Wenn’s dr näggscht Cortège git:

Kemmert, fyyert, machet mit