Wenn’s am Mäntig vieri schloot

isch unsri Fasnacht bereits tot

kai Bebbi vergisst je der 28. Hornig

und die bundesröötlichi Verornig

s git kai pfyffe, ruesse und kai Gugge Synfonie

es herrscht nur s Entsetze in der Stadt am Rhy

d Ladärne bliibe dunggel, d Räppli im Schrangg

es intrigiert kai Waggis, es singgt kai Bangg

d Stimmig z Basel gliicht eme Kehrus

und schuld an all däm isch dä doofi Virus

s duet jede Fasnächtler wahnsinnig schmärze

denn d Fasnacht goot nit uff d Stroos, sie blibbt im Härze

mir wärde sie das Joor mit Stolz im Härze draage

und seen uns 2021 bi de Däfilutscher uff em Waage